नेपाल प्रहरीको सर्वोच्च पदमा पुग्ने डा. थापा पहिलो महिला एआइजी

काठमाण्डौ । नेपाल सरकार आइतबार साँझ बसेको मन्त्रिपरिषद् बैठकले नेपाल प्रहरी अस्पतालकी निमित्त मेडिकल डाईरेक्टर प्राविधिक प्रहरी नायब महानिरिक्षक डा.दुर्गा थापा पुनलाई प्राविधिकतर्फको प्रहरी अतिरिक्त महानिरीक्षकमा बढुवा गरेको छ ।

नेपाल प्रहरीको सर्वोच्च पदमा पुग्ने डा. थापा पहिलो महिला हुन्। यसअघि नेपाल प्रहरीमा डिआइजीसम्म महिला भएका थिए। डा. थापालाई मन्त्रीपरिषदको कात्तिक २५ गतेको निर्णयअनुसार एआइजीमा बढुवा गरिएको हो।
प्राविधिकतर्फ प्रहरी अस्पताल महाराजगञ्जमा कार्यरत डिआइजी डा. दुर्गा थापालाई आइजिपी सर्वेन्द्र खनालले मंगलबार एआइजीको दर्ज्यानी चिन्ह लगाइदिएपछि प्रहरीले पहिलो महिला एआइजी पाएको हो।

नेपाल प्रहरी अस्पताललाई नेपालमै रहेका अस्पतालमध्ये उत्कृष्ट अस्पतालका रुपमा स्थापित गर्नु पर्ने उल्लेख गर्दै प्रहरी महानिरीक्षक खनालले नेपाल सरकार तथा संगठनले लिएको नीतिलाई अक्षरसः कार्यान्वयन गर्दै पारदर्शी रुपमा अस्पतालको कार्यसम्पादन हुने विश्वास समेत व्यक्त गरेका थिए।

एआइजी डा. दुर्गा थापाले अस्पताललाई आधुनिक, अनुशासित र कार्यरत कर्मचारीहरुको मनोबल उच्च राखी सुम्पिएको जिम्मेवारी कुशलतापूर्वक सम्पन्न गर्ने बताइन्।

Leave a Reply

Your email address will not be published. Required fields are marked *